Fur Davie

A hunner times he’s louped that fence,
A hunner times succeedit
We a’ tell’t him tae hae some sense,
Oor advice was never heedit.

You should see him noo - a’ black and blue,
And swalt aboot the ankle -
Ungainly like, he louped that fence,
An’ landit in a fankle.

While we’re outside tae tak’ the air,
An’ view the scenes o’ nature,
He sits at hame, stuck in his chair,
Wi’ a suspectit fracture.